Second week of Teaching practice 🥰

SECOND WEEK(10/01/2022-15/01/2022) അധ്യാപന പരിശീലനത്തിന് റെ രണ്ടാമത്തെ ആഴ്ച വളരെയധികം സന്തോഷത്തോടു കൂടിയാണ് ആരംഭിച്ചത് .വളരെ ഉത്സാഹത്തോടുകൂടി തന്നെ ഞാൻ എൻറെ രണ്ടാമത്തെ ആഴ്ചയിലെ അധ്യാപന പരിശീലനം ആരംഭിച്ചു .ഈ ആഴ്ചയിലെ ആദ്യദിവസം എനിക്ക് രണ്ട് പീരിയഡുകൾ ക്ലാസ് എടുക്കുന്നതിനായി ഉണ്ടായിരുന്നു .ആദ്യത്തെ period 9H ആയിരുന്നു ക്ലാസ്സ് എടുത്തത് .വൃത്തത്തെ സംബന്ധിച്ചിട്ടുള്ള അടിസ്ഥാന കാര്യങ്ങളാണ് ഞാൻ കുട്ടികൾക്ക് പറഞ്ഞുകൊടുത്തത് .ആ ക്ലാസിലെ ഗണിത അധ്യാപകൻ എൻറെ ക്ലാസ് നിരീക്ഷിക്കുന്നുണ്ടായിരുന്നു .അത് തുടക്കത്തിൽ കുറച്ചു പരിഭ്രമം സൃഷ്ടിച്ചിരുന്നു .അതിനു ശേഷം മൂന്നാമത്തെ പിരീഡ് എട്ടാം ക്ലാസിലെ A ഡിവിഷനിൽ ക്ലാസ് എടുക്കുന്നതിനായി പോയി .എട്ടാം ക്ലാസ് സമചതുര ത്തിൻറെ നിർമ്മിതിയാണ് ഞാൻ പഠിപ്പിച്ചത് .എൻറെ ക്ലാസ് നിരീക്ഷിക്കുന്നതിനായി ആ ക്ലാസിലെ അധ്യാപിക ക്ലാസ്സിൽ ഉണ്ടായിരുന്നു .ആദ്യ ദിവസം ഉച്ചയ്ക്ക് ശേഷം ഞങ്ങൾ എല്ലാവരും കൂടി ചേർന്ന് school based activity എന്ത് ചെയ്യാം എന്ന് ചർച്ച ചെയ്തു .അതിനുശേഷം സ്കൂളിലെ NCC pared നിരീക്ഷിക്കുന്നതിനുള്ള അവസരം ഞങ്ങൾക്ക് ലഭിച്ചു .

അടുത്ത ദിനമായ ചൊവ്വാഴ്ച ക്ലാസുകൾ ലഭിക്കുന്ന കാര്യത്തിൽ വളരെ ആശങ്കയോടെ കൂടിയാണ് സ്കൂളിൽ എത്തിച്ചേർന്നത്. എസ്എഫ്ഐയുടെ യുടെ ധീര സഖാവായ ധീരജ് എന്ന എൻജിനീയറിങ് വിദ്യാർഥി കുത്തേറ്റ് മരിച്ചതിനെത്തുടർന്ന് SFI പഠിപ്പുമുടക്ക് ആയിരുന്നു.അതിനാൽ മൂന്നാമത്തെ പിരീഡ് തുടങ്ങി കുറച്ചു കഴിഞ്ഞപ്പോൾ തന്നെ സ്കൂൾ പിരിച്ചു വിട്ടു .അതുകൊണ്ട് എനിക്ക് ഇന്ന് ക്ലാസ്സ് എടുക്കുന്നതിനായി സാധിച്ചില്ല.

മൂന്നാമത്തെ ദിവസം എനിക്ക് തുടർച്ചയായി രണ്ട് പിരീഡ് ക്ലാസ് എടുക്കേണ്ടത് ആയിട്ട് ഉണ്ടായിരുന്നു .ആദ്യത്തെ period 9 H ന് ക്ലാസെടുത്തു .വൃത്തത്തിന് കേന്ദ്രം എങ്ങനെ കണ്ടുപിടിക്കാം എന്നാണ് കുട്ടികളെ പഠിപ്പിച്ചത് .രണ്ടാമത്തെ പീരീഡ് 8 A ൽ ചതുരത്തിന് നിർമ്മിതിയെ പറ്റി ക്ലാസെടുത്തു .മൂന്നാമത്തെ പിരീഡ് കുട്ടികളുടെ ഹോം വർക്ക് പരിശോധിക്കുന്നതിനായി വിനിയോഗിച്ചു .നാലാമത്തെ പിരീഡ് 9H പഠിപ്പിക്കുന്നതിനായി വീണ്ടും പോയി .വൃത്തത്തിനുള്ളിൽ സമഭുജ ത്രികോണങ്ങൾ എങ്ങനെ വരയ്ക്കാം എന്നാണ് പഠിപ്പിച്ചത് .ഉച്ചയ്ക്ക് ശേഷം സ്കൂളിൽ SPC Pared കാണുന്നതിനുള്ള അവസരം ലഭിച്ചു .

നാലാം ദിവസവും ആദ്യത്തെ പിരിയഡ് 9 H ന് ക്ലാസ് ഉണ്ടായിരുന്നു .വൃത്ത ഭാഗം ലഭിച്ചാൽ വൃത്തകേന്ദ്രം കണ്ടുപിടിച്ച് വൃത്തം പൂർത്തിയാക്കാനുള്ള പ്രവർത്തനം നൽകി .നാല് ഗ്രൂപ്പുകളായി തിരിച്ചാണ് പ്രവർത്തനം നൽകിയത് .രണ്ടാമത്തെ ഗ്രൂപ്പാണ് പ്രവർത്തനം ആദ്യം പൂർത്തിയാക്കിയത് .തുടർന്ന് മറ്റുള്ള ഗ്രൂപ്പുകളും പ്രവർത്തനം പൂർത്തിയാക്കി .എല്ലാ കുട്ടികൾക്കും ആശയം മനസ്സിലായി എന്നത് സന്തോഷം ഉണ്ടാക്കി .

ശേഷം 5C യില്‍ പരീക്ഷയ്ക്ക് മേൽനോട്ടം വഹിക്കുന്നതിനുള്ള ചുമതല ലഭിച്ചു .പരീക്ഷക്കു ശേഷം കുട്ടികളുമായി സൗഹൃദ സംഭാഷണത്തിൽ ഏർപ്പെടുന്നതിനു ഉള്ള അവസരം ലഭിച്ചു .രണ്ടു കുട്ടികൾ മുന്നോട്ടു വന്ന പാട്ടുപാടി .ആ ക്ലാസ്സിൽ ഒരു കുട്ടി നന്നായി വരക്കുന്നത് ശ്രദ്ധയിൽപ്പെട്ടു .ആ കുട്ടിയുടെ ചിത്രരചന കണ്ടു .കൊച്ചു കുട്ടികളുമായുള്ള സൗഹൃദ സംഭാഷണം മനസ്സിൽ വളരെയധികം സന്തോഷം ഉണ്ടാക്കി . വെള്ളിയാഴ്ച പൊങ്കൽ പ്രമാണിച്ച് സ്കൂളുകൾക്ക് അവധി ആയിരുന്നു. ശനിയാഴ്ച ദിവസം 8 ,9 ക്ലാസ്സുകൾക്ക് അവധി ആയിരുന്നു എങ്കിലും ഞങ്ങൾ അധ്യാപക വിദ്യാർത്ഥികളോട് പ്രഥമാധ്യാപിക സ്കൂളിൽ എത്തിച്ചേരണമെന്ന് പറഞ്ഞു . വളരെ വിജയകരമായി രണ്ടാമത്തെ ആഴ്ചയിലെ അധ്യാപന പരിശീലനം പൂർത്തിയാക്കി .